امس حجزت حق الفلم وشفته في سينما الافنيوز ، الكل اتوقع يعرف قصت سنو وايت بس بالفلم هذا راح تشوفونها بأسلوب ثاني مختلف القصد ماراح يكون فيه براءت الاطفال الفلم حق الكبار للأسف الفلم وايد مقطع تعبنا تعبنا تعبنا من سالفت التقطيع هذي لي متي !! خلاص الواحد وصل حده المشكله حتي لقطات مافيها شي اباحي مقطوعه قلت هالشي اكثر من مره اتمنا سينما الحمره ماتتبع سينسكيب بهالامور شطينا عن الفلم تشارليز ثرون بدور رافينا ابدعت وكانت دائماً جميله وكريستين ستيورت بدور سنو وايت الي شافها بتوايلايت ماراح يشوف اي فرق تقريباً نفس الشخصيه (اسلوبها واحد) اما كريس بدور الصياد اتوقع الكل حب هالممثل بعد دوره في فلم ثور وبعده ذا افنجرز، الخلاصه الفلم وايد حلو بس للأسف راح انطر متي ينزل دي في دي عشان اشتريه وشوفه مره ثانيه بسبب التقطيع وتقيمي له 7.5 من 10